У кожным куточку, дзе б’ецца беларускае сэрца, жыве беларуская мова. Жыве па-рознаму: у штодзённай гамонцы, у песнях і казках, у школьных падручніках і цудоўных творах літаратуры. Матчына мова, родная мова!
Тыдзень беларускай мовы і літаратуры ў нашай установе адукацыі – гэта сапраўднае свята! А моўная культура беларускага народа надзвычай багатая i самабытная. Яна ўвасоблена ў поўных чароўнага хараства песнях, у афарбаваных міфічнасцю легендах, паданнях, мудрых прыказках, у адмысловых загадках.
Хацелася, каб і дарослыя, і дзеці глыбей усвядомілі: мы – беларусы, у нас ёсць свая мова, непаўторная, мілагучная, якую трэба ведаць і шанаваць, каб пакінуць у спадчыну сваім дзецям. А каб стварыць святочны настрой нашаму мерапрыемству, з вялікай любоўю былі аздоблены тэматычныя выставы і фотазоны.
- інтэрактыўнае воблака слоў "Маё любімае слова па-беларуску"
- гастранамічны фэст "Беларуская кухня"
- выстава вучэбнай літаратуры па беларускай мове "Сэрцам роднага слова краніся"
- выстава "Пад небам сінім"
- квэст-гульня "Фальклор, фальклор, душа народа..."